Amerígunnar Erlingsson

Fondúrugl

2006-11-07T00:01:00.000-08:00

Við ákváðum að bregða út af vananum á dögunum og átum kvöldverð með Amín, Hressa og Heklu. Fengum þau yfir í urrandi fondú að hætti Hússeins. Daginn fyrir og á eftir borðuðum við líka með þeim en það má segja að það hafi verið algjör tilviljun.

Mannskapurinn bíður átekta. Gunnar Magnús orðinn óþreyjufullur að fá að dýfa gafflinum ofan í sjóðheita olíuna. Hér leikur hann afríkufíl til að sýna ljósmyndara hve spenntur hann er.

Mæja, Grímur og Anna bíða spennt eftir að Sonja beri fondúgeðveikina á borð.

Eins og sjá má á Heklunni var þema kvöldsins nærbuxur. Allir fondúgestir áttu að mæta á nærbuxunum. Eftir að Hressi hafði fengið kaffi og koníak brá hann á leik með ljósmyndara og sýndi honum allar helstu tannskemmdir sínar.

Gámi gám

2006-10-31T17:30:00.000-08:00

Hér vestan hafs er allt að verða vitlaust við undirbúning búferlaflutningsins mikla. Fáum afhent 15. desember og byrja líka að vinna sama dag. Einnig gaman að segja frá því að ég tók bæði atvinnutilboðinu og gerðum tilboðið í Garðastrætið sama dag. Alveg hreint magnaður andskoti.

María gaggar í mér allan daginn að taka flottan töffarajeppa með heim. "Nýjan Grand!", "Explorer Eddie Bauer, eða ég hætti að elda," segir hún allan daginn. Ætli maður verði að láta valta yfir sig eina ferðina enn. Annars er mjög mikilvægt að eiga töffarajeppa - ég þekki það manna best. Þegar öllu er jú á botninn hvolft í lífinu er þetta bara spurning um að vera gæi.

Dagarnir hérna fara í að ramba milli húsgagnaverslana, kaffihúsa, veitingahúsa og útihúsa (Hressi aðallega). Nú er verið að vinna í að panta gám og það á að hnoða ýmsum af þeim munum sem okkur hefur áskotnast undanfarin tvö ár, til viðbótar við ýmiss konar nytjavarning.

Fór á Placebo á Showbox. Ljómandi hressir hommar. Þar lék einnig fyrir dansi hljómsveit að nafni She wants revenge. Minnti dulítið á Interpol, nema Interpol er mun hressari.

Erum að hugsa um að leigja okkur sumarhús undir rótum Reynisfjalls næstu helgi eða skreppa jafnvel til Vancouver BC. Nánar um það í næsta tölublaði.

Malí og litli kútur á hallóvín-hátíðinni í Radfordinu. Það eru fleiri hallóvín-myndir á heimasíðu JB og Magneu.

Hekla sýnir múttu sinni hvernig á að búa til súkkulaðiköku.

Við létum okkur ekki vanta í Valle móttökuna enn eitt árið. Einungis Bobbie á Valle skrifstofunni hefur mætt oftar en María. Á myndinn sést hvernig veislugestir fylgjast agndofa með Jóni Marvin fara með gamanmál. Hann sagði meðal annars nokkra mjög fyndna brandara um Pétur Vilhjálmsson, fyrrum nágranna minn.

Gunnar Magnús varð hressari og hressari eftir því sem leið á móttökuna mamman varð ölvaðri.

Malí mín vildi ólm komast í kjötbolluát með sósu og rifsberjahlaupi í IKEA einn daginn. Eins og sjá má á myndinni er fólkið bakvið Malí í þann mund að tvíbæta Washingtonmet sitt í raðkappáti innanhúss.

María er listræn. Hún tók þessa fallegu mynd af I-5 á leiðinni í bæinn.

Það kemur fyrir að vistmenn #4013 kíki í heimsókn til okkar, og öfugt. Við vorum með hressa matargesti hjá okkur sl. laugardag. JB og Magnea, og Amín, Grýlur og Hekla kíktu í kalkún og með því. Meðal veitinga var þessi prumpkin súkkulaðiterta. Sannkölluð veisla fyrir bragðlaukana eins og merkja má af svip Heklu.

Sonja frá Póllandi, ný au pair hérna í Rassfordinu, sá um að pensla kalkúninn áður en veislugestir létu sjá sig. Sonja, sem talar litla íslensku og þaðan af síður ensku, ætlar að sjá um að raða í gáminn fyrir okkur. Áhugmál hennar eru dægurlagatónlist og frímerkjasöfnun.

Tilkynning

2006-10-20T01:19:00.000-07:00

Vegna fjölda athugasemda kemur hér færsla. Það er nú fátt búið að gerast hérna í Sívætlu annað en að ég fer nánast daglega með Amín og Heklu í U-Village og fæ mér kaffi og hádegismat, förum svo út að borða eftir síðdegisblund og svo drekk ég bjór og horfi á Family Guy eða South Park með Hressa, mági (e. seagull) mínum. Ef ég finn eyðu í prógramminu slæ ég í tennisbolta eða fer í skvass.

Vefsetrinu hefur annars borist tilkynning þess efnis að The Erlingsson Family hyggst flytjast búferlum til lands elda og ísa. Landið er einnig þekkt sem heimaland íslenska hestsins (ég eftirlæt nú lesanda að geta hvert landið er). Ég er sem sé kominn með vinnu í ævintýraborginni Reykjavík, sem er betur þekkt fyrir hóflegt verðlag og blíðskaparviðri. Í kjölfarið gerðum við kauptilboð í íbúð við Garðastræti 17 sem var samþykkt. Fáum afhent um miðjan desember.

Við erum því líka þessa dagana að þeysast milli húsgagnaverslana og láta hugann reika. Við ætlum nefnilega að nýta hvern einasta rúmsentímetra í gámnum sem við tökum með heim af alls kyns drasli sem við höfum sankað að okkur undanfarin tvö ár. Meðal þess sem mun verða flutt heim er blaknet, jólatrésfótur, hjónarúm, kælibox, fondúpottur og bleyjur fyrir litla kút svo fátt eitt sé nefnt. Ég á nú eftir að taka eina grand finale ferð í Costco þar sem allur andskotinn verður keyptur - ef ég þekki mig rétt.

Jæja, hérna koma huggulegar myndir af huggulegu fólki. Vinsamlegast prentið þær út og njótið þeirra.

Hekla og Gunnar Magnús að borða fajita bourito á Chipotle. Gunnar Magnús missti sig alveg og drakk tvo lítra af tabasco sósunni meðan mamma hans leit undan.

Amín, Hekla heimsborgari og útlendingur sem við fundum og okkur fannst svipa til Gríms. Hekla drekkur aðeins fjórfaldan espresso. Henni finnst ekki taka því að taka þrjú skot.

Fengum okkur hamborgara eitthvert hádegið á Pike Place Market þar sem þetta skilti var við eitt sætið. Við sætið við hliðina á stóð "VIDAR LU POOPED HERE when he visited Seattle".

Það vantaði bjölluna í Gettu betur (Borghildur er með hana í láni) og þess vegna þurfti að slá á mitt borðið í bjölluspurningunum. Grímur ruglaðist hins vegar nokkrum sinnum og prumpaði óvart í staðinn. Þá kom vond lykt. Þessi mynd er tekin við slíkt tækifæri.

Malí og Gunsmoke jr. úti að borða í hádeginu.

Gunnar Magnús les fyrir frænku sína.

Jei, jei, Gunnar Magnús.

Litli kútur að borða pasta hjá Amín.

Blómarósin hún María má ekki sjá til sólar öðruvísi en að taka fram frisbídiskinn. Ég sé eiginlega hvort það sé gott eða vont veður með því að athuga hvort frisbídiskurinn sé á sínum stað þegar ég vakna.

Kúluskítur

2006-09-21T23:34:00.000-07:00

Ekkert nýtt í þessu. Búinn að fara í tvö viðtöl. Sjáum hvernig það fer. Hitti einhvern böseling í Securitas-búning á leiðinni í viðtalið. Hann hafði orð á því hvað jakkafötin mín væru falleg og óskaði mér góðs gengis. Eftir viðtalið hitti ég hann aftur; hann spurði mig hvernig gekk og sagðist vonast til að sjá mig aftur á svæðinu. Jammjamm.

Annars allt að gerast hérna í Rassfordinu. Við erum að vinna í Little Britain á Netflixinu þessa dagana með Hressa mávi. Það er voðafínt með einum Fat Tire og nammi.

Ble.

Hressandi myndir

2006-09-19T01:47:00.000-07:00

Á leið í heimsókn til Önnu, Gríms og Heklu í næsta húsi.

Hressi mávur hafði búið til þessa fallegu samloku handa mér þegar við komum yfir. Egg, beikon, skinka, rækjur, ostur og bakaðar baunir voru meðal þess sem fannst á samlokunni. Á samlokuna vantaði hins vegar sárlega þorskhnakka og graslauksfroðu.

Mæja og Hekla að fara með Gunsmoke jr. til læknis.

Eiturhress.

Heimsborgarar á hóteli við Union Square.

Ávallt hress.

Þessi er líka ávallt hress.

Grímur fer í skólann

2006-09-16T02:37:00.000-07:00

Náði þessari skemmtilegu mynd af Grími mávi mínum þegar hann var að fara í skólann. Í bakpokanum hafði hann meðferðis epli, brauð með miklu hnetusmjöri, slönguspil fyrir frímínúturnar og Jónsbók ef hann þyrfti að segja eitthvað lögfræðidót í skólanum.

Verðbólguskot

2006-09-14T00:14:00.000-07:00

Eins og sjá má á myndinni er greinilega um verðbólguskot að ræða en ekki verðbólgu. Enn fremur sést glögglega að verðbólguskotið svokallaða er yfirstaðið. Það fer ekkert á milli mála samkvæmt myndinni. Því ætti að vera óhætt að ráðast í umfangsmiklar ríkisframkvæmdir. Einstaklingar ættu einnig að íhuga alvarlega að taka dýr lán til húsnæðiskaupa, fellihýsakaupa eða jeppakaupa því þetta er bara verðbólguskot.

Til gamans má geta þess að lægsta gildið á lóðrétta ásnum er hágildi þolmarka verðbólgumarkmiðs Seðlabankans. 7,6% verðbólga er bara 5,1 prósentustigum hærra en verðbólgumarkmiðið svo það er allt í sómanum því þetta er jú bara verðbólguskot.

Stórfjölskyldan hittist í Kaliforníu

2006-09-05T00:22:00.000-07:00

Það hefur ekki farið mikið fyrir skrifum á þessari síðu að undanförnu. Við lögðum af stað til Kaliforníu fyrir tveimur vikum síðan og hittum Önnu, Grím og Heklu í Skeinis. Ókum síðan með þeim til Palo Alto til að hitta Barðstrendinga áður en við keyrðum eftir strandlengjunni til Los Angeles, þar sem við vorum í þrjá daga. Hittum svo Mamba og Öddu Mæju í San Francisco og fórum svo daginn eftir til Palo Alto aftur þar sem við erum búin að vera að miklu leiti. Hentumst þó í tvo daga til Napa til smakka sælkeravín og gera tilraun til að hella Maríu mína fulla.

Anna, Grímur og Hekla fóru á sunnudaginn til Seattle og verða í íbúðinni okkar þar til þau fá sína íbúð afhenta. Við stefnum á að verða komin til Seattle á föstudaginn. Það verður voðagaman að hitta þau. Við erum búin að vera á hótelum í tvær vikur svo það verður líka gott að komast í eigið rúm.

Það er langt síðan ég skrifaði eitthvað síðast svo hérna koma fullt af myndum. Mér væri ánægja ef þú, lesandi góður, myndir njóta þeirra. Frekari myndir ásamt magnþrungnum frásögnum er að finna á vefsetri Barðstrendinga og Maríu.

Það er greinilegt að fjölskyldan er þaulvön því að sitja í limósínu. Adda Mæja meikaði ekki að sitja aftur í hörðu sæti í sporvagni, eins og þegar hún tók sporvagninn frá Union Square til Fisherman's Dwarf, svo hún pantaði limmu. Móður minni fannst ekkert meira eðlilegt en að sitja í limmu.

Allt að verða vitlaust í San Fran.

Viðar margsuðaði að fá að hitta vini sína á þessum næturklúbbi í Sausalito. Við létum undan og fengum okkur indverskan heimsborgaramálsverð við lifandi tónlist. Vinur Viðars lék fyrir okkur á ýmis indversk hljóðfæri, íklæddur hvítu laki sem hann (Viðar) var búinn að kúka í. Það fannst okkur gott.

Golden Gate.

Hress systkini á St. Erling vínekrunni í Napa. Fyrir framan þau eru ég og Adda Mæja.

Ægifagrar vínekrur í Napadalssýslu.

Vínbændur í Napahéraði voru almennt sammála um að hafa sjaldan séð eins ölvaða fjölskyldu í vínsmökkun.

Borghildur sýndi fjölskyldunni allt það helsta sem Stanfordkampúsinn hefur upp á að bjóða. Sáum meðal annars þetta fallega fólk sem líktist skuggalega fjölskyldumeðlum mínum. Næstum því vandræðalegt.

Unga kynslóðin og fulltrúi þeirra gömlu í Barnes Court, Stanford.

Hekla og Afi Erlingur í San Fran.

Ég og pápi á Union Square.

Lítill afakall.

Það verður seint sagt um Gunnar Magnús að hann sé ekki hress. Þrátt fyrir að vera búinn að sofa á hótelum í tvær vikur og með allar sínar svefnvenjur í tómu rugli þessa dagana, þá tapar hann ekki gleðinni.

Patti broddgöltur í Solvang.

Hressi mávur minn sá það strax að hann varð að fá sér flottan töffarajeppa eins og mágsi sinn þegar hann kom til Ameríku. Anna og Grímur keyptu þennan fallega Ford Explorer fyrir allt sparifé Heklu litlu.

Hressi Hressason og dóttir hans bregða á leik fyrir framan ljósmyndara á veitingahúsi í Carmel.

Kalíforníuströndin er hugguleg og hress.

Malí eiturhress ásamt Gunsmoke jr.

Smjörbubbi lætur að sér kveða

2006-08-19T18:50:00.000-07:00

Jæja, þá er smjörbubbi aftur kominn á internetið. Amín, Hressi og Hekla voru hérna síðustu helgi. Þau fíluðu sig svo vel hérna að Gimmi er búinn að skipta um skóla (hafði áður komist inn í UW, en fékk plássið sitt aftur) og yfirgefa þar með UC Skeinis (sjá www.gayvis.blogspot.com). Stefnir í að þau flytji hingað í Rassfordið í næsta hús bráðlega. Við framlengdum leiguna okkar dulítið og ætlum að sjá hvað setur.

Malí er nú endanlega orðinn meistari eftir að hún skilaði inn ritgerðinni sinni á föstudaginn. Við feðgar eru einstaklega stoltir af stúlkunni. Hún fór með okkur Gunnar Magnús í afslöppunarbátsferð á Lake Washington þegar hún hafði lokið við að skila. Eins og sjá má á innfeldu myndinni var Maríu afar létt að vera búin með verkefnið.

Hressir á fjöllum

2006-08-19T18:39:00.000-07:00

Hvers vegna fór skemmtikraftur og fréttamaður með Ómari og Geir að skoða Kárahnjúkasvæðið?

Amín, Grýlur og Hekla í heimsókn

2006-08-11T01:02:00.000-07:00

Malí ver verkefnið sitt á morgun. Ég sé um kökur, snittur og með því. Um kvöldið tökum við svo á móti Davisunum Amín, Hressa og Heklu. Þau verða hjá okkur fram á þriðjudag.

Ég var á leiðinni að synda úti í Lake Washington og nýbúinn að klæða mig í blautbúninginn úr Costco þegar Anna hringdi og sagðist vera á leiðinni í heimsókn. Þá prumpaði ég óvart af spenningi eins og sjá má á myndinni.

Búbbírú

2006-08-09T23:58:00.000-07:00

Allt vitlaust að gera hérna eins og venjulega. Mæja ver verkefnið sitt á föstudaginn og er því á milljón þessa dagana. Við gáfum okkur þó smátíma á laugardaginn til að bjóða ágætu fólki í mat þar sem hún hafði skilað inn lokadrögum til prófessorsins síns fyrr um daginn. Hún hafði því örlítinn tíma þangað til hún fékk verkefnið aftur til baka. Prófessorinn býr í Laurelhurst hverfinu, sem er eitt flottasta hverfi sem sögur fara af hér í borg. Hann bauð okkur inn til sín í stuttan skoðunartúr um húsið sem var á þremur hæðum niður við Lake Washington með eitruðu útsýni yfir vatnið og Mt. Rainier. Mér skilst að á þessum slóðum fáist ekki hús undir tveimur til þremur milljónum Brandararíkjdala.

Er búinn að verja síðustu tveimur dögum með JB að gera bílinn kláran fyrir heimsreisu okkar Maríu og Gunnars Magnúsar. Nú get ég stoltur sagst kunna að skipta um bremsuklossa, olíu, olíusíu og loftsíu í Grand Karókí. Ef einhver hefur áhuga á að kaupa bílinn - sem hefur aldrei verið sprækari - þá getur sá hinn sami gert kostakaup í San Francisco í lok septembermánaðar.

Nokkrar frískandi myndir fylgja færslu þessari.

Ég keypti QFC-köku til að hafa í eftirrétt. JB og Magnea voru sniðug og keyptu líka trúðahattsköku. Það voru því tvær kökur á boðstólnum síðastliðinn laugardag. Nýtt met í Rassfordinu.

Magnea og Kári í sannkölluðu sumarkapi.

Armin og Líney í sannkölluðu kökuskapi.

Ég í sannkölluðu kaffiskapi.

María að svæfa Gunnar Magnús svo hún geti skellt sér á barinn.

JB og Gunnar Magnús á kampús.

Bandaríski herinn hélt ægilega flugsýningu hérna á dögunum. Hér er hópurinn að pakka niður vatni, kóki og Prins Pólói áður en lagt var í hann.

Voðalega sætt og ákkúrat í anda Bandaríska hersins. Þeir gerðu alls kyns fleiri trix eins og t.d. pray-for-our-troops lykkjuna sem prýðir annan hvern bíl hér fyrir utan borgarmörkin. Mér fannst notalegt að borga mig inn á flugsýninguna enda veit ég að peningarnir fóru í gott málefni; stríðið í Írak, vopn handa Ísraelsmönnum eða í hið æsispennandi stríð gegn hryðjuverkum.

Hressandi fyrirsagnir

2006-08-09T11:30:00.000-07:00

Í hvernig borg vilt þú búa í hér á landi á? Góð spurningin undir myndinni sem Óskar varpar fram. Beittur...

Hressleiki í Ameríku

2006-08-02T02:13:00.000-07:00

Hvern langar ekki að kæla sig niður með ljúffengri pylsu í hitanum? Þessum manni hlýtur líka að líða vel í búningnum sínum í sólinni. Eins og sjá má á myndinni er Grímur, mávur minn, mættur til Brandararíkjanna.

2006-08-02T02:08:00.000-07:00

Við skruppum á steikhús með JB og Magneu á laugardaginn. Að áeggjan JB fékk ég mér stærsta skammt af diet rifjum á steikhúsinu og renndi öllu þessu niður með bestu lyst. JB sagði mér að ég gæti tekið restina með mér heim í box, en hann var bara að bulla því auðvitað kláraði ég þetta. Hann greinilega vissi ekki hvað ég væri búinn að vera lengi í Ameríku. Veitið því eftirtekt hve risakartaflan er ógnarsmá við hlið rifjanna.

2006-08-02T02:03:00.000-07:00

Jón Bjarni með sama rétt - eða sami réttur með Jóni Bjarna. JB er sæll og kátur því maður verður seint svangur eftir slíkan kvöldverð.

2006-08-02T01:58:00.000-07:00

Gunnar Magnús og Orcun í sólarglensi að lokinni kaffidrykkju á Quadinu á kampús.

Hress karl

2006-08-01T09:46:00.000-07:00

Þessi er eiturgóður: http://fff.is/

Sumar og sól

2006-07-25T08:58:00.000-07:00

Lífið gengur ágætlega hérna í Seattle. Malí er þrusudugleg í verkefninu sínu og ég sé alveg um Gunnar Magnús á meðan. Það er búið að vera nokkuð gott veður hérna að undanförnu með tilheyrandi hita - máske of miklum. Við erum mikið úti, ýmist á ströndinni, við Green Lake eða hérna úti í Magnuson Park. Erum líka búin að vera dugleg við að fara í Bellevue Square (sem er innimoll) í öllum hitanum og vitleysunni til að kæla okkur niður.

Fór á Thievery Corporation á dögunum ásamt Helgu. Það var þrusustuð. Klappaðir upp tvisvar. Er annars búinn að vera slakur við að fara á tónleika að undanförnu því það er lítið um þrusubönd hérna þessa dagana. Förum samt e.t.v. á Bumbershoot í byrjun september.

Er annars bara búinn að vera duglegur að spila tennis og súpa frappuccino mér til skemmtunar.

Langt síðan ég hef skrifað eitthvað hérna, svo að nokkrar frískandi myndir fylgja með.

2006-07-25T02:02:00.000-07:00

Vel varinn fyrir sólinni á Alki Beach.

2006-07-25T01:57:00.000-07:00

Hádegismatur á Alki Beach með JB og Magneu. Gunnar Magnús steinsofandi í fanginu á mér. Lífverðir JB láta lítið fyrir sér fara á borðinu við hliðina á okkur og þykjast tala í símann.

2006-07-25T01:44:00.000-07:00

Gunnari Magnúsi líður einstaklega vel í 37° stiga hita. Sérstaklega finnst honum gott að komast inn þar sem íbúðin okkar er ekki með loftkælingu og það er rúmlega 30°C steindautt loft inni í svefnherbergi á kvöldin. Þegar hann er að leika sér á teppinu sínu, drýpur af honum svitinn eins og hann sé að koma af skvassæfingu. Það er nú samt að fara að kólna aðeins til allrar hamingju, en hitinn hangir þó áfram í tæpum 30° næstu daga.

2006-07-25T01:37:00.000-07:00

Ég og Gunnar Magnús að vinna á taninu við Grín Leik. Eins og sjá má erum við feðgar orðnir skemmtilega kaffibrúnir eftir alla útiveruna.

2006-07-25T01:33:00.001-07:00

Fórum með JB og Magneu í grilltúr úti í Magnuson Park í kvöld. Urrandi nautahnullar og SS pulsur á boðstólnum.

2006-07-25T01:13:00.000-07:00

Gunnar Magnús fylgist með að nægur logi sé á kertinu sem á að fæla moskítóflögur í burtu.

2006-07-25T01:11:00.000-07:00

Þessi áberandi skemmtilegi myndstúfur lýsir kvöldstemningunni í Magnuson Park betur en þúsund orð. Hér erum við að undirbúa grillerý að hætti Hússeins eftir að hafa marínerað okkur í sólarolíu fyrr um daginn.

Nokkrar nýjar myndir

2006-07-10T10:18:00.000-07:00

Allt að verða vitlaust í pabbafríinu mínu. Ég og Gunnar Magnús erum búnir að vera duglegir við að horfa á HM í bland við Sesame Street. Göngum nánast daglega ýmist um Magnuson Park, upp í skóla eða höngum á Avinu. Ef Gunnar Magnús suðar mikið, fer ég og spila fyrir hann tennis.

Nokkrar myndir frá undanförnum dögum eru að neðan. Ég og Orcun skelltum okkur á kajak um daginn. Fórum líka á Sonic Youth tónleika ásamt Óla um daginn. Það var aldeilis ágætt.

2006-07-10T10:10:00.000-07:00

Svona lítur nú fallega borgin okkar út á góðum sumardegi. Vatnið er þá gjarnan pakkað af skútum, litlum snekkjum og sjóflugvélum.

2006-07-10T10:08:00.000-07:00

Space Needle.

2006-07-10T10:06:00.000-07:00

Kajakglens á Lake Union. Í bakgrunni, undir I-5 brúnni, sést UWMC, sjúkrahúsið þar sem Gunnar Magnús fæddist.

2006-07-10T10:02:00.000-07:00

Orcun réri eins og vitlaus maður meðan ég sat rólegur aftur í og stýrði.

2006-07-10T09:48:00.001-07:00

Malí og Gunnar Magnús á leiðinni að kaupa ís á Avinu.

2006-07-10T09:48:00.000-07:00

Það kemur fyrir að við Gunnar Magnús heilsum upp á Mæju í skólanum.

2006-07-10T09:46:00.000-07:00

Óli og Charlotte komu í fondú til okkar á dögunum. Hér eru þau eiturhress ásamt gestgjöfum að loknum desert.

Magnuson Park brjálæði

2006-06-26T01:44:00.000-07:00

Eyddum deginum í dag í Magnuson Park. Það getur nú varla talist merkilegt enda erum við Gunnar Magnús þar nánast alla daga um þessar mundir. Komum bara upp í Radford til að sofa og hitta Mæju. Að þessu sinni komu Kári, Atli og Ásgeir í garðinn þar sem við grilluðum og lékum listir okkar í blaki og frisbí fyrir aðra strandargesti.

Atli, Kári og Mæja pæja í góðu glensi í Magnuson Park. Gunnar Magnús er í bláa tjaldinu. Maðurinn sem liggur hjá bláa kútnum vinstra megin á myndinni liggur hjá bláa kútnum vinstra megin á myndinni.

2006-06-26T01:43:00.000-07:00

Malí hlúir að Gunnari Magnúsi í tjaldinu sínu.

2006-06-26T01:41:00.000-07:00

Keypti þetta fína blaknet fyrir college fund aurana hans Gunnars Magnúsar í dag. Ég og Ásgeir pökkuðum Sí-Atla og Kára saman trekk í trekk.

17. jóní

2006-06-26T01:26:00.000-07:00

Héldum upp á 17. jóní í Fremont ásamt Helgu, Dr. Gunna, Evgeníu og fjölskyldu. Þessa helgi var hin árlega sólstöðuhátíð haldin í Fremont, en þá ganga bæjarbúar um götur með lúðra, básúnur, horn og fleira, ýmist á rassinum eða léttklætt (sjá myndaalbúm). Um kvöldið var svo haldið í pottinn (Helga var að passa rosafínt hús í Fremont), svo í sússíglens og því næst á dansistaði. Alveg hreint ljómandi lýðveldisdagur.

María og Gunnar Magnús í þjóðhátíðarskapi í Fremont.

2006-06-26T01:25:00.000-07:00

Gunnar Magnús virðir fyrir sér íslenska fánann í þann mund sem hann veltir fyrir sér hví Hvítbláinn vék fyrir fánanum á myndinni.

2006-06-26T01:17:00.000-07:00

Sumir fá sér pönnukökur á 17. júní. Aðrir fara niður í bæ og fá sér kandífloss. Þetta fólk á myndinni hélt hins vegar upp á lýðveldisdaginn á rassinum.

Grillað fyrir frúnna

2006-06-26T01:07:00.000-07:00

Rassfordgrill. María mín vill kjöt. Þá fær hún kjöt.

Leiðinlegt...

2006-06-22T22:20:00.000-07:00

...að vera í feðraorlofi.

Útskrift

2006-06-12T02:24:00.000-07:00

Það hlaut að koma að því. Við Malí útskrifuðumst síðastliðinn laugardag. Malí er samt ekki alveg búin, en hún fékk engu að síður að taka þátt í athöfninni. Hún klárar vonandi í júlí. Fyrst var móttaka hjá deildinni minni um morguninn og að henni lokinni tók við athöfnin sjálf á Husky Stadium. Á meðan sá Helga um Gunnar Magnús, en það var fyrsta pössunin hans. Um kvöldið fengum við síðan til okkar góða gesti.

Ég bið ykkur að njóta myndanna að neðan.

2006-06-12T02:12:00.000-07:00

Rétt áður en athöfnin byrjar. Andrúmsloftið gjörsamlega rafmagnað. Líka magnað kyngi. Svo mátti einnig skera það með hnífi. Mikil spenna eins og sjá má.

2006-06-12T02:03:00.000-07:00

Ég stilli mér upp við hliðið sem allir helnettir meistarar ganga um.

2006-06-12T02:01:00.000-07:00

María gengur inn á Husky-leikvanginn...

2006-06-12T02:00:00.000-07:00

...og mannfjöldinn tryllist af kæti.

2006-06-12T01:59:00.000-07:00

Ég og Malí í góðri útskriftarstemningu.

2006-06-12T01:55:00.000-07:00

Allt að verða vitlaust.

2006-06-12T01:52:00.000-07:00

Þessi músíkalska hnáta söng bandaríska þjóðsönginn við góðan orðstýr.

2006-06-12T01:44:00.001-07:00

Löðursveittur og hress að lokinni tæplega átta klukkustunda veru í heimskulegum útskriftarbúningi með hatt. Þar sem ég var með fínan hatt, hálfbrann ég á enninu. Það er gott að vera vel klæddur og í dökkum loftþéttum búningi í hita. Það fer einkar lítið fyrir búningnum; hann er þeirrar náttúru gæddur að unnt er að losa bæði þvag og hægðir í honum án þess að nokkur tekur eftir því. Held að nokkrir þarna hafi gert það en er samt ekki viss.

2006-06-12T01:37:00.000-07:00

Seinna um kvöldið fengum við til okkar nokkra góða gesti. Ég bakaði að sjálfsögðu köku handa svöngum veislugestum. Innvafða skjalið með rauða borðanum er prófskírteinið hans Péturs. Mér þótti það henta prýðilega sem kökuskraut.

2006-06-12T01:34:00.000-07:00

Nokkrir af veislugestum, Liila, Orcun, Tom og Helga, ásamt Malí minni.

2006-06-12T01:18:00.000-07:00

Veislugestir fengu grænt Prins Póló. Mér hafði verið bent á rússnenska búð uppi á Aurora Avenue fyrir skömmu. Fyrir fróðleiksfúsa, þá er Aurora ógeðsleg löng gata sem byssubúðir, bílasölur, klámbúllur, tattústofur og drive-through skyndibitastaðir liggja við. Sem sagt týpísk amerísk gata. Daginn eftir að við heyrðum af búðinni, keyrðum við Gunnar Magnús í einn og hálfan tíma eftir kassa af Prins Pólói. Búðin sjálf var teppalögð og illa lyktandi, á stærð við sjónvarpsherbergið á Selbraut, með rússnesnkum vodka, gömlum VHS myndum og hangandi pylsum til sölu. Í einu horninu á búðinni voru fjórir kassar af Prins Pólói, en það var bara til grænt (með ljósu mjólkursúkkulaði) og blátt (með hnetum) Prins Póló - ekki í gylltum umbúðum eins og við eigum að venjast. Ég fékk mér eitt með kóki í bílnum á leiðinni heim og sprændi gjörsamlega í hringi af gleði. Þess má geta að þetta græna er jafnvel betra en það gyllta.

Kondu í fondu

2006-06-04T23:19:00.000-07:00

Fondúgeðveiki í Radfordinu í gærkvöldi. Malí, ég, Berkin, Evrin og Orcun í sannkölluðu fondúglensi.

2006-06-04T23:10:00.000-07:00

Gunnar Magnús í góðum félagsskap hjá Mike og Jess í kaffinu í dag.

2006-06-04T23:08:00.000-07:00

Gunnar Magnús með barnakaffi með jarðarberjabragði.

2006-06-04T23:04:00.000-07:00

Ásgeir afmælisbarn reynir hvað hann getur til að hræða Gunnar Magnús. Ásgeir hafði fyrr um morguninn verið vakinn af górillum klukkan sex um morguninn eftir tveggja tíma svefn (sjá hér).

2006-06-04T23:01:00.000-07:00

Grand Karókí í mesta rignarsudda sem ég upplifað, hér í Sívætlu. Bílaplanið breyttist í bílasundlaug (e. car pool) í einu vetfangi. Það á nú reyndar að vera bjart og yfir 20° út þessa viku.

Gleðilegan kjördag

2006-05-27T00:00:00.000-07:00

Ég og Gunnar Magnús - eiturhressir - að kjósa utankjörfundar hjá Jóni Marvin, konsúlnum okkar í Seattle.

Það er annars gaman að segja frá því að hvorki ég né María vorum nokkurn tímann látin gera grein fyrir því hver við vorum eða sýna fullgild íslensk skilríki. Kannski af því að við erum fræg. Samkvæmt áreiðanlegum heimildum vefsins voru aðrir Íslendingar hér á slóðum heldur ekki látnir sýna íslensk skilríki. Jón Marvin er ekki allt of mikið að stressa sig á því hver er hver. Enda er það kannski ekki aðalatriðið. Ég sagðist til dæmis heita Pétur Vilhjálmsson og kaus Framsókn.

Allir hressir í verkefninu

2006-05-18T23:40:00.000-07:00

Það gengur bara ljómandi vel í lokaverkefninu mínu í Administration and Management prógramminu. Ég er með japanska stelpu í hópnum mínum sem skilur ekki ensku, skrifar hana varla og talar hana heldur ekki. Alltaf gaman að vinna að sameiginlegu markmiði þegar allir eru á sömu bylgjulengd. Sérstaklega þegar hún skilur ekkert hvað er í gangi og heldur að ég sé að plotta eitthvað til að halda henni utan hópsins.

Í kvöld hitti svo hópurinn prófessorinn okkar. Þá lenti hin stelpan í hópnum, sem er ein taugahrúga, í því að taugarnar hennar kúkuðu á sig. Prófessorinn benti henni á atriði sem betur mætti fara og þá fór hún að grenja. Þá sagði hann henni að hún væri bara grenjuskjóða, benti á hana og hló dátt.

Lýg því reyndar, en hún fór samt að grenja. Svona er bara þrælskemmtilegt og þjappar hópnum bara betur saman. Klárum 1. jóní og þá er kynning á verkefninu. Þá er skólinn búinn og þann 10. jóní er útskrift.

Fréttir

2006-05-18T01:34:00.000-07:00

Var að lesa fréttirnar.

http://www.visir.is/apps/pbcs.dll/article?AID=/20060518/FRETTIR01/105180021/1091.
Mér fannst eitthvað spaugilegt við fyrisögnina. Hljómar eins og "Hugðust prumpa en kúkuðu óvart". Best að poppa popp... æ, ég ruglaðist og kveikti óvart sinu.

Og fyrir þá sem hafa gaman að pjéníngum: http://www.visir.is/apps/pbcs.dll/article?AID=/20060518/FRETTIR01/60518005/1091.
Hvað með það? Dow Jones er drasl vísitala og segir manni ekki neitt. Hún er byggð upp á aðeins 30 félögum og ekki er gert ráð fyrir mismunandi virði hluta eftir félögum. T.d. ef tvö félög, A og B, hafa sama markaðsvirði og sama vægi innan vísitölunnar og markaðsvirði eins hlutar í A er $10 og í félagi B $300, þá er þetta bara allt lagt saman og svo deilt með fjölda félaga. Ef bæði félög fara svo upp um 1% hefur félag B miklu meira vægi heldur en A. Sem sagt, þetta segir manni ekki neitt. Skamm íslenskir fjölmiðlar fyrir að sýna Dow Jones áhuga. Nær væri að segja frá S&P 500.

Ég vona að allir hafi haft bæði gagn og gaman að.

Lausnin fundin

2006-05-16T13:58:00.000-07:00

http://visir.is/apps/pbcs.dll/article?AID=/20060516/FRETTIR01/60516064/1091

Er ekki bara málið þá að byggja illa hannað hátæknisjúkrahús? Dæla steinsteypu í heilbrigðiskerfið og treysta þannig innviðina. Það hlýtur að leysa allan vanda heilbrigðiskerfisins...

Myndir frá Flórída o.fl.

2006-05-16T00:29:00.000-07:00

Það hefur eitthvað tafist hjá mér að rita pistil á rafrænu formi á "INTERNETIÐ". Við komumst heil á húfi frá Flórída eftir frískandi heimsókn til Ólafar og Péturs og afa hennar og ömmu. Millilentum í Dallas og þar fékk mér versta Subway sem ég hef smakkað. Hann var svo vondur að ég mun aldrei aftur borða Subway. Það var annars ægilega fínt hjá Peól. Skoðuðum alls kyns undur sem Flórídaríki býður upp á, svo sem sjóskíðasýningu og líkamasýningu á MOSI. Þar voru sundurtætt lík Asíubúa til sýnis fyrir fróðleiksfúsa. Við Pétur komumst síðar að því að þarna var sennilega um að ræða afar óheppna Falun Gong liða sem enduðu sem gínur á safni í Ameríku. Ég gekk nokkuð hratt í gegnum sýninguna þar sem ég er mátulega hrifinn af blóði.

Það var nú annars ýmislegt hressandi brallað; farið á ströndina, út að borða og bráðskemmtilegur vatnatennis leikinn svo fátt eitt sé nefnt.

Malí vinnur að verkefninu sínu á daginn og ég vinn í prógramminu mínu á morgnanna. Hópurinn minn heldur kynningu á verkefninu okkar 1. jóní og þá er ég laus allra mála. Útskriftarathöfnin sjálf er í byrjun jóní. Stórfjölskyldan er farin að sofa á skikkanlegum tíma og vaknar fyrir átta núorðið. Við feðgar dinglum okkur yfirleitt á kampús eða í Magnuson Park á daginn. Fáum okkur ís- eða kaffilabbitúr, heilsum svo upp á Malí til að fylla á tankinn og fáum okkur síðan meiri labbitúr. Þetta er ekki leiðinlegt í blíðskaparviðri.

Að öðru. Hvað eiga Eyþór Arnalds, Sigurður Kári og Gunnar Örlygsson sameiginlegt? Rétt, þeir eru allir flottir kallar í sama flokkinum.

En jæja, það er gaman að heyra að Ísland er í fjórða sæti yfir samkeppnishæfustu lönd heims samkvæmt nýrri rannsókn. Það hlýtur að vera af því að vöruverð á Íslandi er lágt og sanngjarnt, vextir algjörlega í takti við raunveruleikann, ein stærsta atvinnugrein þjóðarinnar, sjávarútvegurinn, galopinn öllum sem vilja fjárfesta í henni, þóknanir bankanna með lægsta móti, tollar og vörugjöld þekkjast varla, þær fjárfestingarnar sem koma inn í landið koma til vegna stóriðjuframkvæmda sem ríkisvaldið stendur fyrir og gjaldmiðillinn er hoppandi til og frá eins jójó. Af hverju náðum við ekki fyrsta sætinu?

Nokkrar eitraðar myndir frá Flórída fylgja með.

2006-05-16T00:20:00.000-07:00

Þetta er húsið sem Afi Bjarni og Amma Ellý eiga á Flórída. Silfurfákurinn í innkeyrslunni sem er Sívætlingum að góðu kunnur, hefur nú verið seldur mexíkana með gullkeðju og efstu fimm tölur hnepptar frá.

2006-05-15T18:12:00.000-07:00

Á leið í boccia í University Park. Þetta var fýluferð því Pétur var ekki í heimasaumaða bocciagallanum sínum og og því var hópnum meinaður aðgangur að leikvanginum.

2006-05-15T17:09:00.000-07:00

Hress og kát á ströndinni í Sarasota.

Ferðalag

2006-04-28T23:22:00.000-07:00

Mambi fer á morgun, laugardag. Þau lenda á Íslandi að morgni sunnudags. Erum búin að hafa það rosalega gott hérna með þeim. Viljum helst hafa þau lengur. Myndir koma seinna.

Ég, Malí og Gunnar Magnús erum annars á leiðinni til Ólafar og Péturs á Flórída. Jabbadabbadú.

Sjiturinn...

2006-04-27T01:46:00.000-07:00

...hvað þetta er fyndið.

Stórgott átak hjá fyrirtækinu. "Haha, þú ert svo slakur starfsmaður að þú færð bleyju og barnamat í vinnunni. Svo má líka flengja þig. Auli sem kannt ekki að vinna. Ehehe." Gott líka hjá stjórnendum fyrirtækisins að halda átakinu áfram eftir að önnur kona hafði kært þá.

Annars finnst mér að þau ættu að geta settlað málið svona. Þeir fá að flengja hana. Hún fær 90 milljónir króna í staðinn. Nokkurn veginn hnífjöfn skipti. Allir bara eðlilegir og í takti við raunveruleikann hérna í Ameríku.

Kannski seldi hún viljandi illa þennan mánuðinn svo hún fengi einhvern til að flengja sig.

Afmælishátíð

2006-04-25T02:24:00.000-07:00

Við erum búin að vera á fullu að sýna mömmu og pabba um, allt frá því þau komu. Helst ber að nefna að við brugðum okkur til Leavenworth á dögunum og fórum í dýragarðinn í dag. Sumarið er komið hingað til Seattle og það þykir Malí og Gunnari Magnúsi afskaplega gaman.

Malí og Gunnar Magnús vöktu mig í morgun með QFC afmælistertu og fullt af pökkum. Þau gáfu mér töffaraskó, töffaratösku, tvo töffarastuttermaboli, töffarasundbuxur, töff-lur og tvo töffarapólóboli. Þegar við komum heim úr dýragarðinum í dag fórum við út að borða í tilefni dagsins og fengum okkur bölvanlega góðar steikur.

Annars bara allt voðagott að frétta. Förum til Flórída á laugardaginn í heimsókn til Ólafar og Péturs. Erum búin að versla strandardót og ættum því að vera til í slaginn. Á bara eftir að kaupa baby-tan olíu á Gunnar Magnús. Erum rosaspennt að fara til Flórída og hitta okkar fyrrverandi nágranna.

Nokkrar hressandi myndir frá síðustu dögum fylgja.

2006-04-25T02:23:00.000-07:00

Allir saddir og sælir að lokinni afmælismáltíð á Jak's Grill við Sandpoint Way.

2006-04-25T02:16:00.000-07:00

Ég og Gunnar Magnús í dýragarðinum. Óhætt er að segja að stemningin í garðinum hafi verið mögnuð kyngi.

2006-04-25T02:15:00.000-07:00

Mörgæsirnar settu á svið syncronized swimming í tilefni af afmæli mínu og nýafstöðnum páskum.

2006-04-25T02:09:00.000-07:00

Eiturtjillaður api. Ætli þessi sé líka í feðraorlofi?

2006-04-25T02:07:00.000-07:00

Mávur minn, Viðar Lúðvíksson, mætti óvænt í heimsókn í dýragarðinn í Seattle.

2006-04-25T02:04:00.000-07:00

Allir í góðu gríni við Greenlake. Sumarið lét sjá sig hér um helgina með 22° og heiðskíru.

2006-04-25T01:50:00.000-07:00

Hressir feðgar við Greenlake.

2006-04-25T01:48:00.000-07:00

Gunnar Magnús er alltaf í góðu skapi í barnabílstólnum sínum. Hérna er hann að lauma skondinni hæku að móður sinni.

2006-04-25T01:46:00.000-07:00

Á leið um Steven's Pass til Leavenworth.

2006-04-25T01:44:00.000-07:00

Mamma, pabbi og Gunnar Magnús bregða á leik við bæjarhliðið í Leavenworth.

2006-04-25T01:36:00.000-07:00

Mambi fjallhress í Seattle.

2006-04-17T12:07:00.001-07:00

Mambi hóf árlega páskavísiteringu sína í Radfordið á miðvikudaginn síðastliðinn. Þau komu með fullar ferðatöskur af páskaeggjum og pökkum frá vinum og vandamönnum.

Mambi komin

2006-04-17T12:07:00.000-07:00

Mamma og pabbi eru komin. Ofsalega gott að sjá þau. Þau fengu líka að sjá Gunnar Magnús í fyrsta sinn. Held þeim hafi ekki fundist það leiðinlegt. Erum búin að draga þau sitthvað út, í U-Village og fleira. Ætluðum að keyra norður í Skagit sýslu að skoða túlipana á föstudaginn langa. Það var hins vega svo leiðinlegt veður, við þrælsein og mikil umferð að við vorum ekki komin þangað fyrr en rétt upp úr fimm. Áttum þar að auki erfitt með að finna akrana, þannig að það kom ekki mikið upp úr því. Sáum reyndar heilu breiðurnar af Honeybuckets á leiðinni út eftir og það gladdi Maríu. Á leiðinni til baka var komið við í átletti og vorum komin til Seattle um níuleytið. Þá töfruðum við feðgarnir (þ.e. Gunnar gamli og Erlingur) fram grísaveislu.

Á páskadag fengum við Helgu og Andra í páskamat. Boðið var upp á íslenskt lambalæri með tilheyrandi meðlæti. Andri var svo elskulegur að koma með grænar ORA baunir. Horfðum síðan á Strákana í sjónvarpinu.

Í kvöld er enn eitt matarboðið. Við erum að fá Vestur-Íslendinginn Jón Pálmason óperusöngvara og frú frá Mercer eyju í mat. En þangað til ætla ég að viðra fólkið mitt í blíðskaparviðrinu. Það er komið vor með blóm í haga hér í Seattle.

2006-04-17T12:06:00.000-07:00

Þegar halda skal góða veislu er mikilvægt að hafa gott hráefni á boðstólnum. Því buðu kokkarnir upp á vænan grís úr kjötborði Costco að skoðunarferð lokinni á föstudeginum langa - rétt um kvöldmatarleytið, eins og sést á klukkunni.

2006-04-17T12:05:00.000-07:00

Páskaglens í Radfordheimum.

Flórída

2006-04-11T03:02:00.000-07:00

Vavavíva. Stórfjölskyldan er á leið til Flórída í sumarleyfi. Verðum í viku hjá Ólöfu og Pétri sem eru nú á leið þangað keyrandi. María þykist ætla að keyra eitt stykki setlíkan og skrifa verkefnið sitt á sundlaugarbakkanum, en við Gunnar Magnús tökum því bara rólega - til tilbreytingar. María ætlar í brúnkukeppni við Gunnar Magnús. Það verður spennandi að sjá hvor vinnur.

Mambi kemur á miðvikudaginn. Við erum orðin ægilega spennt að hitta þau.

Heimavinnandi húsfaðir

2006-04-09T03:00:00.000-07:00

Ég er að fíla það nokkuð vel að vera svona heima að gæta bús og barns á daginn. Mæja fer yfirleitt í skólann upp úr hádegi og er fram á kvöld. Svo komum við Gunnar Magnús til hennar um eftirmiðdaginn til að fylla á kútinn. Þegar hann sefur reyni ég að laga til eða vinna í prógramminu mínu. Ég reyni að fara út með hann í vagninum sínum helst einu sinni yfir daginn. Förum oftast út í Magnuson Park, út á Burke Gilman eða í U-Village í labbitúr með kaffistoppi. Þar hitti ég yfirleitt aðrar húsfrýr, með sín börn, sem byrja að spjalla. Ég er orðinn svo fróður um lítil börn að ég á ekki í nokkrum vandræðum með að tala við þær um kerrur, bleyjur og svefntíma barna - sem dæmi. Ég er sem sé orðinn alvöru stay-home-mom. Það eina sem vantar er van. Ég meira að segja skipti á hressilega díjonsmurðum bleyjum núorðið án þess að kippa mér upp við það.

Pétur og Ólöf voru hjá okkur síðustu dagana sína hérna í Seattle eftir að þau afhentu íbúðina sína. Þau eru nú að keyra áleiðis til Flórída, þar sem afi hennar á hús, með alls kyns stoppum á leiðinni. Við erum að hugsa um að skella okkur í vikufrí til þeirra núna í lok apríl og heimsækja þau. Maður verður nú stundum að taka sér frí í fríi. Á tölvunarfræðimáli myndi þetta kallast hreiðrað frí. Mér finnst réttast að skella sér því Gunnar Magnús hefur aldrei komið til Flórída.

Keypti mér utanáliggjandi vídjóklippikort í dag. Af því að okkur sárvantaði svoleiðis. Næst verður það Xbox. Veit að Mæju langar í svoleiðis og ég verð sjálfsagt að láta undan.

2006-04-09T02:57:00.000-07:00

Pétur, Ólöf og Gunnar Magnús á Cheesecake Factory. Við vorum svolítið dugleg að fara út að borða með þeim áður en þau kvöddu Seattle. Eftir matinn fórum við á Strokes tónleika, nema Gunnar Magnús sem vildi heldur fara heim og súpa hjá mömmu sinni.

2006-04-09T02:50:00.000-07:00

Gunnar Magnús mætti steinsofandi dulbúinn sem bangsi í kveðjuhófið hjá Ólöfu og Pétri. Húfuna og vettlingana (og skó líka í stíl sem voru heima að hvíla sig) prjónaði Þorbjörg frænka. Hann er búinn að vera að bræða hjörtu stúlkna í þessum bangsabúningi hvert sem við förum.

Gormbrot

2006-03-23T14:19:00.000-08:00

Nú erum við Mæja og Gallapagus komin í gormbrot (e. spring break). Malí byrjar í skólanum í næstu viku og þá verð ég með Gönnsó jr. á daginn. Það er þrusufínt. Nú þurfum við strákarnir bara að fara að kaupa okkur Xbox.

Ég fékk annars þennan hressandi póst í dag: "Congratulations Gunnar O. Erlingsson, your request to graduate with a MASTER OF SCIENCE IN INDUSTRIAL ENGINEERING has been reviewed by the Graduate School and is approved." Þar hafið þið það: MEISTARI Í VÍSUNDUM.

Annars bara allt vitlaust að gera við að skipta á bleyjum, halda húsinu hreinu og spila skvass. Læt nokkrar hressandi myndir fylgja af lífinu hérna í Rassfordinu.

2006-03-23T14:10:00.000-08:00

Stórfjölskyldan úti að borða á víetnömsku veitingahúsi.

2006-03-23T14:05:00.000-08:00

Ég og Pétur að fagna vori á kampús. Pétri gekk svo vel í tennis fyrr um daginn að hann fékk sér tvo ísa. Hann verður nú samt að fara að passa sig.

2006-03-23T14:00:00.000-08:00

Ólöf, Malí, Pétur og Gunnar Magnús í sumarskapi á kampús. Suzzalo bókasafnið í baksýn.

2006-03-23T13:59:00.000-08:00

Gunnar Magnús steinsofandi.

Íslenskt lýsi - Iceland Health

2006-03-23T13:48:00.000-08:00

Þetta er það heitasta í Ameríku núna - íslenskt lýsi auglýst undir merkjum IcelandHealth.com. Þetta er yfirleitt auglýst á nóttunni, þ.e. sérstaklega markaðsett fyrir harðduglegt fólk sem vakir lengi fram eftir. Lýsið er svo gott að það virkar meira að segja á fuglaflensuna segja þeir.

Á meðfylgjandi mynd sést hvernig Esjan horfir á óvægnar sjávaröldurnar berja á óhagganlegum klettagörðum Seltjarnarneskaupstaðar.

2006-03-23T13:39:00.000-08:00

Hjónin Jim og Anus fræða hér sjónvarpsáhorfendur um kosti íslensks lýsis. Þau eru afar ánægð með árángurinn; Jim getur nú séð sjálfur um heimilsbókhaldið og leyst einfaldar sudoku þrautir á innan við klukkustund. Anus er hins vegar bara Anus - henni er ekki við bjargandi, eins og Jim upplýsti sjónvarpsáhorfendur um í þættinum.

2006-03-23T13:34:00.000-08:00

Vivian er frá Afríku og henni finnst lýsi sko ekkert slor. "Þetta er ágæt tilbreyting frá banönum," segir Vivian. Ef grannt er skoðað, sést að hún er í blússu í stíl við sófann hjá ömmu minni.

Önnin að klárast

2006-03-09T00:40:00.000-08:00

Þá fer vetrarönn að ljúka. Þetta er búin að vera mjög skrítin önn því ég var ekki í fullu námi og litli kúturinn minn kom í heiminn. Áður en langt um líður verð ég því kominn með M.Sc. í iðnaðarverkfræði. Ég held þó áfram í Administration and Management prógramminu á næstu önn - vorönn.

Það hefur nú ýmislegt gengið á í Rassfordinu síðan ég skrifaði síðast. Ber þar helst að nefna að tengdamóðir mín og mágkona yfirgáfu samkomuna í síðustu viku, eftir að hafa hjálpað okkur í gegnum fyrstu dagana með Gönnsó jr. María gaf mér bæjarleyfi fyrir nokkru til að sjá SupergRass leika á hljóðfæri. Það var ægilega gaman, fór út að borða með Orcun og stráki sem heitir Chase og síðan tókum við smá pöbbarölt eftir tónleikana. Að sjálfsögðu endaði kvöldið með elegans á veitingahúsi ævintýramannsins, IHOP.

Nonni og Magnea buðu okkur í bollur í bolludaginn. Tókum Gunnar Magnús með í fyrstu heimsóknina sína. Mæja prumpaði. Hátt.

Fengum saltkjöt og baunir frá Pétri og Ólöfu með heimsendingarþjónustu á sprengidaginn. Ljómandi gott, enda nenni ég sjaldnast að elda þegar ég kem heim úr skólanum á þriðjudögum og fimmtudögum um hálftíuleytið.

Mike og Jess komu yfir til okkar færandi hendi. Gáfu okkur meira að segja súpu og brauð, og dót handa Gunnari Magnúsi.

Kvöddum Árna, Hrönn og börn fyrir stuttu. Þau eru að flytja suður á bóginn til Californíu, en þar fer hann að vinna fyrir Össur. Við erum búin að lofa okkur í heimsókn til þeirra með hækkandi sól.

Þar með ætti það helsta að vera upptalið. Litli kúturinn okkar stækkar og vex eins og pabbinn. Hann er meira að segja farinn að brosa aðeins til okkar. Það er ofsalega gaman. Það er annars hundleiðinlegt veður hérna; íslenskt rok og rigning. Bill Gates og Jimmy Carter voru viðstaddir opnun nýrrar byggingar í skólanum í dag og útitjald yfir þá fauk af. Það er ekki gott að að vera frægur og fá rigningu framan í sig. Talandi um frægt fólk; Eyrún vinkona Mæju kom í hingað á laugardaginn og var hérna í Sívætlu í fjóra daga.

2006-03-09T00:39:00.000-08:00

Ólöf fékk þessa fínu köku frá okkur Mæju, en hún varði meistaraverkefnið sitt síðastliðinn föstudag. Við vorum svo heppin að finna köku í QFC sem stóð á "Ólöf gagnfræðingur", en konan í búðinni gat strokað það út og breytt í "Ólöf M.Sc.".

2006-03-09T00:32:00.000-08:00

Eyrún bættist síðan við í kvöldkaffið, en hún var að koma frá DC fyrr um kvöldið.